Aaaaa…….guane gamok belake????...sihat belake dok??...hehehe…molek belake dok???emmm…oklah tu….
Ning..lame berase dok nulih sining…sibuk tekpun…gitulah..keje dunie…dok abisang….leloh berase…tapi mujur gok sebab ade mase goklaa ambe nok gi dengor…nok gi ssejid…nok buat ibadat2 sunat…Alhamdulillah…
Macam biasa…pade saing2 hok ikut blog ning tu…time kasih banyok…se agi…pade sape2 hok singgoh sokmo tapi dok jadi follower…bace sajee jee…trime kasih jugoklah neh…
Bukan mende lame dok update blog…sibuk…se agi baru2 ning Google duk bekki ke blogspot…tu yang dokleh nok nulih tu…abih pakat riuh dalam fesbuk…hahahah…dokleh buke…dokleh buke…sakit sungguh…eemmmmm..
Sebut pasaa fesbuk…ambe sebenornye ade mende ning nok royak kabo…cerite pasal hal slendang…
Baru2 ning laa…ambe adelah terbaca se post ning…ye ning jenih hok ppale dogo tu…org putih kate free hari…hok bengong nyee….yee duk maroh ke orang hok kate orang hok dok pakaa slendang ning…orang dose…aaa bodo sungguh…mung sape??....sakit tayyar…dok belajo mo’oo..
Pahtu gok eyh…ade sorang komen gining..
"saya setuju dgn awak, tapi, kita kan wajib bertudung. tp takpelah, dalam islam kan xleh dipaksa.
p/s: awak jgn marah saya auu. :) "
aaa….ning orang jahil kalu nok kenaa…jahil tukey…boleh pulok…mung belajo mane dalam Islam takdok pakseang???hah??...duane???kitab mende????ustaz mane???balasoh mane???suraa mane???...jenih ning ar…kalu orang kate bodo nok maroh…kalu nok kate cerdik…skoloh nombor bong sokmo…
“doh dalam Al-Quran suroh Al-Baqarah ade kabor kan…takdok pakseang…”
AAA..meh sining ambe nok kabo…jangan sedak main pakaa hokum locong gitu neh…hok duk kabo tu…bahase Quran tu…bukan majalah…bukan surat kabor ning…nok main ukum locong gitu….
Nok tanye se…mung baljo bahase arab sapaa peringkat mane???...bahase arab komunikasi??...bahase arab tinggi???..bahasa arab a’mmi???..hah??ah sedak gamok..
Hoh??...sapa duane??...dok tinggi mane pun dok??..padan duk hok tule ar…ahlan wasahlan..syukron.. hok tule..nok mutoh berase…emhh…kalu gitu gak..doksoh tebeng2 nok tejemoh ayat Quran gitu jelah…pah tejemoh..ambik…tembok orang lain…bukan buku peribahase ning…
Meh sining nok kabo…kite2 seme ning bukan Ulama’ Pentafsir Al-Quran…main nok hokum locong gitu…ah sedak gamok…Quran ning penoh dengan hukum2 bahase arab…nahu balaghah…hok tu orang hok belajo ilmu tafsir je reti…ahh…belajo bahase melayu dok pah…agi…nok gomo doh ilmu tafsir…mane buleh…
Haaa…kalu berase nok sedak sangat tejemoh ayat Quran…tejemoh ayat ning..
“yadullah maal jamaah”…mende maksud???...
TANGAN ALLAH BERSAMA MEREKA YANG BERJEMAAH…tu maksud die…hoo..dohh…mende??.. Allah ade tangan???..mung mane tahu Allah ade tangan???...mung tgk doh???...nabi dok rajin kabo mende2 pasal ning..tangan sining…ade ulama kabor..makne rahmat…
Kite kalu nok belajor se se ayat Quran ning…kene ambik tahu segale aspek…se dari pade aspek tu…SABAB NUZUL…sabab…sebab..sebab ape ayat tu turun…Allah swt wak turun ayat tu bukan sedak2 je nok beri ke Nabi Muhammad saw…ade sebab tuu…ade maksud…ade kegunaan…
Ayat hok maksud “tiada paksaan dalam agama” tu…hok puok2 jahil brehi ngat gune…nok tunjuk alim tu..meh sining..dengor molek…bace molek…
Maksud ayat tu..Allah nok kabo…kite dokleh nok pakse nok ajok orang bukan Islam nok masuk Islam…kite dokleh main pakse2…kalu setakat nok dakwah tu bolehlaa…
Hok tu maksud sebenor takdok pakseang dalam agame!!...reti dok????
Emmhh..ning dok…belajo bahase arab pun dok…sedak gamok nok tejemoh ikut say…bakpe..Quran tu hok POKK MUNG???hah??..
Ning nok kabo…acu baying…guane gamok jadi kalu ayat tu memang orang brehi gune..tapi saloh???..
Jadi gining ar jawabnyee ::::::::
MOK : adik weyhh..gi ar semayang nung..
ANOK : mok eh..dalam agame takdok pakse2..
LAKI : yang…wak air se…dahage berase…
BINI : malah eyh bang…ingat neh..dalam agame takdok pakse2 neh..
TOK IMAM : rapat2kan saf…
MAKMUM JAHIL : dalam agame takdok pakseang…
Hohhh????...dok selok kite???...napok dok agi???...bahaye kalu puok2 tafsir ikut say ning..punoh jahanang…jeng kreng…lepah pade ning..doksoh gune ar kalu dok reti base…punoh…kalu betul dalam agame takdok pakseang…dokkan nabi suruh rotan anok hok dok semayang??..hoh???jawab arr…
Bukan mende..saje nok erek sket mmikir…mmm…kalu nok wak mende2 tu biarlaa ade ilmu…kalu tak dok susoh…kalu nok beramal…kene ade ilmu…
-ILMU-IMAN-AMAL-
Ingat tuu…kalu berase…tanye ustaz…kite banyok kaann le ning…ustaz hok ade fesbuk…ning dok…buke fesbuk..chatting…tag gambor…tag name page…coteng dinding…kalu page hok ustaz2 tu..dok like starang…gi report ade…bale punye orang…
Nabi sdiri ade kabor doh..”ORANG HOK BERAMAL TAPI TAKDOK ILMU…SAME DENGEN ORANG BODO..”
Aaa…..sapa sining jelah ambe bleber neh…hehehe…jupe lain kali pulok…
Assalamualaikum Warahmatullah…
No comments:
Post a Comment